Special Hymn - Any Prophet :: Ⲁⲇⲁⲙ Ⲁⲃⲉⲗ Ⲙⲁⲑⲟⲩⲥⲁⲗⲁ :: لحن خاص

Coptic
Arabic
Font:

Ⲁ̀ⲇⲁⲙ Ⲁ̀ⲃⲉⲗ Ⲙⲁⲑⲟⲩⲥⲁⲗⲁ: Ⲙⲱⲩ̀ⲥⲏⲥ ⲛⲉⲙ Ⲁ̀ⲁ̀ⲣⲱⲛ ⲛⲉⲙ ⲛⲓⲕⲉⲡ̀ⲣⲟⲫⲏⲧⲏⲥ: ⲁ̀ⲙⲱⲓⲛⲓ ⲧⲏⲣⲟⲩ ϣⲁⲣⲟⲓ ⲙ̀ⲫⲟⲟⲩ: ⲙⲁϩⲁⲡ ⲉ̀ⲣⲟⲓ ⲛⲉⲙ ⲡⲁⲓⲗⲁⲟⲥ.

(يا) آدم وهابيل ومتوشالح، وموسى وهارون والأنبياء الآخرون، تعالوا جميعاً إليَّ اليوم، دينوني مع هذا الشعب.

Ⲁⲩⲉⲣ ⲛ̀ϫⲉ ⲟⲩⲁϭⲣⲏⲛ ϧⲉⲛ ⲛⲓϩⲓⲟⲙⲓ: ⲟⲩⲕⲁⲕⲥⲉϩⲧ ⲛ̀ϧ̀ⲣⲏⲓ ⲛ̀ϧⲏⲧⲟⲩ: ⲛ̀ⲧ̀ϣⲉⲃⲓⲟ ⲛ̀ⲛⲁⲓⲡⲉⲑⲛⲁⲛⲉⲩ: ⲁⲩⲉⲣ ⲛⲁⲓ ⲛⲟⲩϫ ⲙ̀ⲡⲉⲧϩⲱⲟⲩ ⲛⲏⲓ.

العاقر من النساء، والأبرص صنعوا، بدلاً من هذه الخيرات، صنعوا هذه الشرور العظيمة ليَّ.

Ⲁ̀ⲇⲁⲙ ⲡⲓϣⲟⲣⲡ ⲛ̀ⲑⲁⲙⲓⲟ: ϧⲉⲛ ⲛⲉⲛϫⲓϫ ⲙ̀Ⲫ̀ⲛⲟⲩϯ ⲙ̀ⲙⲏⲓ: ⲛ̀ⲑⲟϥ ⲡⲉ ⲡⲓϣⲟⲣⲡ ⲉ̀ⲧⲁϥⲉⲣⲙⲉⲑⲣⲉ: ϫⲉ Ⲡⲓⲭ̀ⲣⲓⲥⲧⲟⲥ ⲁϥⲓ̀ ⲉ̀ϧ̀ⲣⲏⲓ ⲉ̀Ⲁ̀ⲙⲉⲛϯ.

آدم أول الخليقة، في يدي الله الحقيقي، هو الأول الذي شهد، أن المسيح نزل إلى الجحيم.

Ⲛⲱⲉ̀ ⲡⲓⲑ̀ⲙⲏⲓ ⲛⲉⲙ Ⲁⲃⲣⲁⲁⲙ: ⲛⲉⲙ Ⲓ̀ⲥⲁⲁⲕ ⲛⲉⲙ Ⲓⲁⲕⲱⲃ: ⲛⲉⲙ Ⲓⲱⲥⲏⲫ ⲙⲁϩⲁⲡ ⲛ̀Ⲭⲏⲙⲓ: ⲁⲩⲉⲣⲙⲉⲑⲣⲉ ϧⲁ ⲡⲉϥϫⲓⲛⲓ̀.

نوح البار وأبرآم، وإسحق ويعقوب، ويوسف دينوا مصر، هم شهدوا على مجيئه.

Ⲙⲱⲩ̀ⲥⲏⲥ ⲡⲓⲛⲓϣϯ ⲙ̀ⲡ̀ⲣⲟⲫⲏⲧⲏⲥ: Ⲇⲁⲩⲓⲇ ⲡ̀ⲟⲩⲣⲟ ⲙ̀Ⲡⲓⲥⲣⲁⲏⲗ: Ⲥⲟⲗⲟⲩⲙⲱⲛ ⲫⲁ ϯⲥⲟⲫⲓⲁ: ⲁϥⲉⲣⲙⲉⲑⲣⲉ ϧⲁ ⲡⲉϥϫⲓⲛⲓ̀.

موسى النبي العظيم، داود ملك إسرئيل، سليمان ذو الحكمة، شهد على مجيئه.

Ⲏ̀ⲥⲁⲏ̀ⲁⲥ ⲛⲉⲙ Ⲓⲉⲣⲉⲙⲓⲁⲥ: Ⲓⲉⲍⲉⲕⲓⲏⲗ ⲛⲉⲙ Ⲇⲁⲛⲓⲏⲗ: ⲁⲩⲉⲣⲙⲉⲑⲣⲉ ϧⲁ Ⲡⲉⲛⲥⲱⲧⲏⲣ: ⲁϥϩⲱⲗ ϣⲁⲣⲱⲟⲩ ⲉ̀ⲡⲓⲕⲟⲗⲁⲥⲓⲥ.

إشعياء وإرميا، وحزقيال ودانيال، شهدوا لمخلِّصنا، وهو ذَهَبَ إليهم في الدينونة.

Ⲁ̀ ⲛⲟⲩⲡ̀ⲣⲟⲫⲏⲧⲓⲁ ⲉⲑⲟⲩⲁⲃ: ϫⲱⲕ ⲉ̀ⲃⲟⲗ ⲉ̀ϩ̀ⲣⲏⲓ ⲉ̀ϫⲱϥ: ⲁ̀ Ⲡⲓⲭ̀ⲣⲓⲥⲧⲟⲥ Ⲡ̀ⲟⲩⲣⲟ ⲛ̀ⲧⲉ ⲡ̀ⲱ̀ⲟⲩ: ⲁϥϩⲱⲗ ϣⲁⲣⲱⲟⲩ ⲉ̀ⲡⲓⲕⲟⲗⲁⲥⲓⲥ.

نبوءاتهم المقدسة، تَمَّت عن، المسيح ملك المجد، وهو ذَهَبَ إليهم في الدينونة.

Ⲁ̀ Ⲡⲓⲭ̀ⲣⲓⲥⲧⲟⲥ Ⲡ̀ⲟⲩⲣⲟ ⲛ̀ⲧⲉ ⲡ̀ⲱ̀ⲟⲩ: ⲥⲁϫⲓ ⲛⲉⲙ ⲡⲉⲛⲓⲱⲧ Ⲁ̀ⲇⲁⲙ: ϫⲉ ⲉⲑⲃⲏⲧⲕ ⲁⲛ ⲡⲁⲓⲙⲁ: ⲛ̀ⲧⲁⲥⲱϯ ⲙ̀ⲙⲟⲕ ⲛⲉⲙ ⲛⲉⲕϣⲏⲣⲓ ⲧⲏⲣⲟⲩ.

المسيح ملك المجد، تكلم مع أبينا آدم قائلاً، "ليس لأجلك هذا المكان، لأُخلِّصكَ وبنيك جميعاً."

Ⲙⲁϣⲉⲛⲁⲕ ⲉ̀Ⲡⲓⲡⲁⲣⲁⲇⲓⲥⲟⲥ: ⲛ̀ⲑⲟⲕ ⲛⲉⲙ ⲛⲏⲉⲑⲟⲩⲁⲃ ⲧⲏⲣⲟⲩ: ⲡⲓⲙⲁ ⲉ̀ⲧⲁⲩϩⲓⲧⲕ ⲉ̀ⲃⲟⲗ ⲙ̀ⲙⲟϥ: ⲙⲁⲧⲁⲥⲑⲟⲕ ⲉ̀ⲣⲟϥ ⲛ̀ⲕⲉⲥⲟⲡ.

"إذهبوا إلى الفردوس، أنت والقديسون جميعاً، المكان الذي طُرِدتَ منه، إرجِع إليه مرةً أخرى.

Ⲁ̀ⲣⲓⲡ̀ⲣⲉⲥⲃⲉⲩⲓⲛ ⲉ̀ϩ̀ⲣⲏⲓ ⲉ̀ϫⲱⲛ: ⲱ̀ ⲧⲉⲛϭⲟⲓⲥ ⲛ̀ⲛⲏⲃ ⲧⲏⲣⲉⲛ Ϯⲑⲉⲟ̀ⲧⲟⲕⲟⲥ: Ⲙⲁⲣⲓⲁ Ⲑ̀ⲙⲁⲩ ⲛ̀Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ: ⲛ̀ⲧⲉϥⲭⲁ ⲛⲉⲛⲛⲟⲃⲓ ⲛⲁⲛ ⲉ̀ⲃⲟⲗ.

اشفعي فينا، يا سيدتنا كلنا السيدة والدة الإله، مريم أم يسوع المسيح، ليغفر لنا خطايانا.

Ⲧⲱⲃϩ ⲙ̀Ⲡ̀ϭⲟⲓⲥ ⲉ̀ϩ̀ⲣⲏⲓ ⲉ̀ϫⲱⲛ: ⲛⲓⲭⲱⲣⲟⲥ ⲛ̀ⲧⲉ ⲛⲓⲡ̀ⲣⲟⲫⲏⲧⲏⲥ: ⲛⲉⲙ ⲛⲓⲑ̀ⲙⲏⲓ ⲛⲉⲙ ⲛⲓⲇⲓⲕⲉⲟⲥ: ⲛ̀ⲧⲉϥⲭⲁ ⲛⲉⲛⲛⲟⲃⲓ ⲛⲁⲛ ⲉ̀ⲃⲟⲗ.

أطلبوا من الرب عنا، يا صفوف الأنبياء، والأبرار والصديقين، ليغفر لنا خطايانا.