Special Hymn - Fani-tenh :: Ⲫⲁ ⲛⲓⲧⲉⲛϩ :: لحن خاص
Font:
Ⲫⲁ ⲛⲓⲧⲉⲛϩ ⲛ̀ϩⲁⲧ ⲉⲧⲫⲱⲣϣ: ⲉ̀ⲃⲟⲗ ⲫⲁ ϯⲥ̀ⲧⲟⲗⲏ ⲛ̀ⲉⲣⲙⲁⲛ ⲛ̀ⲛⲟⲩⲃ: ⲫⲁ ⲡⲓϧⲱⲕ ⲙ̀ⲙⲁⲣⲅⲁⲣⲓⲧⲏⲥ: Ⲙⲓⲭⲁⲏⲗ ⲡⲓⲁⲣⲭⲏⲁⲅⲅⲉⲗⲟⲥ.
Ⲃⲁⲣⲁⲗⲉⲝ
Ⲛ̀ⲑⲟϥ ⲁϥϩⲱⲗ ϣⲁ Ⲃⲁⲃⲩⲗⲱⲛ: ϣⲁ ⲡⲓϣⲟⲙⲧ ⲛ̀ⲁ̀ⲗⲟⲩ ⲛ̀ⲁ̀ⲅⲓⲟⲥ: ⲁϥⲛⲁϩⲙⲟⲩ ⲉ̀ⲃⲟⲗϧⲉⲛ ϯϩ̀ⲣⲱ ⲛ̀ⲭⲣⲱⲙ: ⲛ̀ⲧⲉ Ⲛⲁⲃⲟⲩⲭⲟⲇⲟⲛⲟⲥⲟⲣ ⲡ̀ⲟⲩⲣⲟ.
Ⲁⲡ̀ⲥⲁⲧⲁⲛⲁⲥ ϭⲓϣⲓⲡⲓ ⲙ̀ⲫⲟⲟⲩ: ⲛⲉⲙ ⲛⲉϥⲥⲧⲣⲁⲧⲓⲁ̀ ⲙ̀ⲡⲟⲛⲏⲣⲟⲛ: ϧⲉⲛ ⲡ̀ⲧⲁϩⲟ ⲉ̀ⲣⲁⲧϥ ⲙ̀Ⲙⲓⲭⲁⲏⲗ: ⲡⲓⲛⲓϣϯ ⲛ̀ⲁⲣⲭⲏⲁⲅⲅⲉⲗⲟⲥ.
ⲀⲘⲓⲭⲁⲏⲗ ⲡⲓⲁⲣⲭⲏⲁⲅⲅⲉⲗⲟⲥ: ϯⲛ̀ⲟⲩϣⲉ ⲛ̀ⲧⲉⲛϩ ⲙ̀ⲡⲓⲇⲓⲁ̀ⲃⲟⲗⲟⲥ: ⲁϥⲃⲉⲣⲃⲱⲣϥ ⲥⲁⲡⲉⲥⲏⲧ ⲉ̀ⲫ̀ⲛⲟⲩⲛ: ϣⲁ ⲡ̀ϫⲱⲕ ⲉ̀ⲃⲟⲗ ⲛ̀ⲛⲓⲉ̀ⲛⲉϩ.
Ⲡⲓⲁⲣⲭⲏⲁⲅⲅⲉⲗⲟⲥ ⲉ̅ⲑ̅ⲩ̅ Ⲙⲓⲭⲁⲏⲗ: ⲁϥϣⲱⲡⲓ ⲛⲉⲙ ⲛⲓⲁ̀ⲡⲟⲥⲧⲟⲗⲟⲥ: ϣⲁ ⲛ̀ⲧⲟⲩⲧⲁⲥⲑⲟ ⲛ̀ϯⲟⲓⲕⲟⲩⲙⲉⲛⲏ: ⲉ̀ϧⲟⲩⲛ ⲉ̀ⲡ̀ⲟⲩⲉⲛ ϯⲙⲉⲑⲙⲏⲓ.