I Have Soaked My Bed :: بللت فراشي

Font:

1- بللت فراشي .. بدموعي المرة، وعاهدت إلهي .. دي آخر مرة.
هأثبت في حبك .. وأثبت كالصخرة، من كل قلبي .. مش راجع تاني.
مش راجع تاني .. مش راجع تاني، من كل قلبي .. مش راجع تاني.

2- وجت عليَّ .. الحرب قوية، رجعت تاني .. لعمق الخطية.
فبكيت من قلبي .. بتوبة نقية، لكن لمدة .. ورجعت تاني.
ورجعت تاني .. ورجعت تاني، لكن لمدة .. ورجعت تاني.

3- قويت إرادتي .. كترت عهودي، من فرط غروري .. زودت عهودي.
واثق بعزيمتي .. واثق بجهادي، خانتني نفسي .. ورجعت تاني.
ورجعت تاني .. ورجعت تاني، خانتني نفسي .. ورجعت تاني.

4- فصرخت بشدة .. وقلت إرحمني، أنا عارف ضعفي .. يا رب أعني.
لقوة منك .. من فوق مش مني، طول ما أنت معايا .. مش هرجع تاني.
مش هرجع تاني .. مش هرجع تاني، طول ما أنت معايا .. مش هرجع تاني.