Special Hymn :: Ϩⲏⲡⲡⲉ ⲁϥ ⲟⲩⲱϣ :: لحن خاص

Ϩⲏⲡⲡⲉ ⲁϥ ⲟⲩⲱϣ ⲛ̀ϫⲉ Ⲕⲱⲥⲧⲁⲛⲧⲓⲛⲟⲥ ⲡⲟⲗⲓⲥ ⲉ̀ⲓⲣⲓ ⲛ̀ⲟⲩϩⲁⲡ ⲛ̀ⲇⲓⲕⲉⲟⲛ ⲁⲪϯ ⲛ̀ⲧⲉ ⲧ̀ⲫⲉ ⲣⲁϣⲓ ⲉϫⲱϥ.

Ⲁⲡ̀ⲟⲩⲣⲟ Ⲕⲱⲛⲥⲧⲁⲛⲧⲓⲛⲟⲥ ⲡⲟⲗⲓⲥ ⲓ̀ⲣⲓ ⲛⲟⲩ ⲉ̀ϩⲟⲟⲩ ⲙ̀ⲙⲓⲥⲓ ⲕⲁⲧⲁ ⲧ̀ⲥⲩⲛⲓⲑⲓ̀ⲁ ⲛ̀ⲛⲓⲟⲩⲣⲱⲟⲩ.

Ⲁϥⲟⲩⲱⲣⲡ ⲁϥⲑⲱⲟⲩϯ: ⲛ̀ⲛⲉϥⲇⲩⲛⲁⲧⲟⲥ: ⲛⲓϫⲱⲣⲓ ⲛ̀ⲧⲉ ⲧⲉϥⲙⲉⲧⲟⲩⲣⲟ: ⲁϥⲥⲟⲃⲧ ⲛⲱⲟⲩ ⲛ̀ⲧⲉϥⲥⲓⲱⲟⲩⲓⲛⲓ ⲛ̀ⲧⲟⲩϫⲱⲕⲉⲙ ⲙ̀ⲡⲁⲧⲟⲩϩ ⲉⲙⲥⲓ ⲛⲉⲙⲁϥ.

Ⲉⲧⲁⲩϣⲉⲛϣⲟⲩϣⲁ ϯⲥⲓⲱⲟⲩⲛⲓ: ⲁ̀ⲡ̀ⲟⲩⲣⲟ ⲧⲱⲛϥ ⲁϥϣⲉ ⲛⲉⲙⲱⲟⲩ ϫⲉⲙⲏⲡⲱⲥ ⲛ̀ⲥⲉⲙⲉⲩⲓ ⲉ̀ⲣⲟϥ ϫⲉ ⲟⲩⲟⲛ ⲟⲩⲡ̅ⲛ̅ⲁ̅ ⲙ̀ⲙⲉⲧϭⲁⲥⲓ ϩⲏⲧ ⲛⲉⲙⲁϥ.

Ⲉⲧⲁ ⲡ̀ⲟⲩⲣⲟϣⲉ ϣⲁ ϯⲥⲓⲱ̀ⲟⲩⲛⲓ ⲁϥϫⲟⲩϣⲧ ⲁϥⲛⲁⲩ ⲉ̀ⲡⲓⲡⲁⲣⲁⲭⲓⲧⲏⲥ ⲉ̀ⲣⲉ ⲟⲩⲱϣⲛⲓⲥⲁϧⲟⲩⲛ ⲙ̀ⲙⲟϥ: ⲁ̀ⲡⲉϥϩⲏⲧ ⲙ̀ⲕⲁϩ ⲉ̀ϩ̀ⲣⲏⲓ ⲉ̀ϫⲱϥ.

Ⲙ̀ⲡⲓⲛⲁⲩ ⲉ̀ⲣⲟⲕ ⲉⲕⲥⲱⲃⲓ ⲉ̀ⲛⲉϩⲡⲱⲥ ⲁⲕⲥⲱⲃⲓ ϧⲉⲛ ⲡⲁⲓ ⲉ̀ϩⲟⲟⲩ ⲡⲉϫⲉ Ⲃⲓⲥⲁ ⲡⲓⲙⲁⲑⲏⲧⲏⲥ: ⲉϥⲥⲁϫⲓ ⲛⲉⲙ ⲁⲃⲃⲁ Ϣⲉⲛⲟⲩϯ.

Ⲥⲱⲧⲉⲙ ⲡⲁϣⲏⲣⲓ ⲟⲩϩⲱⲃ ⲛ̀ϣ̀ⲫⲏⲣⲓ: ⲟⲩϩⲁⲡ ⲙ̀ⲙⲏⲓ ⲉ̀ⲧⲁⲡ̀ⲟⲩⲣⲟ ⲁⲓϥ ϫⲉ ⲁϥϯ ⲙ̀ⲡⲓⲡⲁⲣⲁⲭⲓⲧⲏⲥ ⲉ̀ϯⲙⲉⲧⲛⲓϣϯ ⲛ̀ⲥ̀ⲧⲣⲁⲧⲓⲗⲁⲧⲏⲥ.

Ϯⲃⲓⲣⲛⲉⲙ ϯⲥ̀ϩⲓⲙⲓ ⲙ̀ⲡⲓⲡⲁⲣⲁⲭⲓⲧⲏⲥ ⲁϥⲧⲏⲓⲧⲟⲩ ⲙ̀ⲡⲓⲥ̀ⲧⲣⲁⲧⲓⲗⲁⲧⲏⲥ ⲁⲪ̀ϯ ⲛⲉⲙⲛⲓ ⲁⲅⲅⲉⲗⲟⲥ: ⲣⲁϣⲓ ⲁ̀ⲛⲟⲕ ϩⲱϯ ⲛⲁⲣⲁϣⲓ.

Ⲧⲱⲃϩ ⲙ̀Ⲡⲟ̅ⲥ̅ ⲉ̀ϩ̀ⲣⲏⲓ ⲉ̀ϫⲱⲛ: ⲡⲁⲟ̅ⲥ̅ ⲛ̀ⲓⲱⲧ ⲛ̀ⲁⲥⲕⲩⲧⲏⲥ: ⲁⲃⲃⲁ Ϣⲉⲛⲟⲩϯ ⲡⲓⲁⲣⲭⲏⲙⲁⲛⲇ̀ⲣⲓⲧⲏⲥ: ⲛ̀ⲧⲉϥⲭⲁ ⲛⲉⲛⲛⲟⲃⲓ ⲛⲁⲛ ⲉ̀ⲃⲟⲗ.