Psali Adam - Tuesday :: Ⲁⲕϭⲓⲥⲓ ⲁ̀ⲗⲏⲑⲟⲥ :: إبصاليه آدام - الثلاثاء

Coptic
Arabic
Font:

Ⲁⲕϭⲓⲥⲓ ⲁ̀ⲗⲏⲑⲟⲥ: ⲱ̀ ⲡⲓⲡ̀ⲣⲟⲇⲣⲟⲙⲟⲥ: Ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ: ⲉ̀ϩⲟⲧⲉ ⲛⲓⲇⲓⲕⲉⲟⲥ.
Ⲃⲟⲏ̀ⲑⲓⲛ ⲉ̀ⲣⲟⲛ ⲡⲉⲛⲟ̅ⲥ̅: ⲟⲩⲟϩ ⲙⲁⲧⲁϫⲣⲟⲛ: ⲉⲑⲃⲉ ϯⲑⲉⲟⲧⲟⲕⲟⲥ: ⲛⲉⲙ Ⲓⲱⲁⲛⲛⲏⲥ ⲧⲟⲏⲡ̀ⲣⲟⲫⲏⲧⲟⲛ.

ارتفعت بالحقيقة، أيها السابق يوحنا المعمدان أفضل من الصديقين.
أعنا يا رب، وثبتنا، لأجل والدة الإله، ويوحنا النبي.

Ⲅⲉⲛⲟⲥ ⲛ̀ⲛⲓⲡⲓⲥⲧⲟⲥ: ⲥⲉⲉ̀ⲣϣⲁⲓ ⲛⲁⲕ ⲙ̀ⲫⲟⲟ̀ⲩ: ⲱ̀ ⲡⲓⲟⲩⲏⲃ ⲛ̀ⲧⲉ Ⲡⲟ̅ⲥ̅: Ⲓⲱⲁⲛⲛⲏⲥ ⲡⲓⲣⲉϥϭⲣⲟ.
Ⲇⲁⲩⲓⲇ ⲁ̀ⲙⲟⲩ ⲛ̀ⲧⲉⲛⲙⲏϯ: ⲱ̀ ⲡⲓⲓⲉⲣⲟⲯⲁⲗⲧⲏⲥ: ⲉⲑⲃⲉ ⲡ̀ⲧⲁⲓⲟ ⲙ̀ⲡⲓⲛⲓϣϯ: Ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ.

يعيد لك جنس، المؤمنين اليوم، يا كاهن الرب، يوحنا الغالب.
تعال وسطنا، أيها المرتل داود، من أجل كرامة العظيم يوحنا المُعمِّد.

Ⲉⲗⲉⲏ̀ⲥⲟⲛ ⲏ̀ⲙⲁⲥ: ⲱ̀ Ⲓⲏ̅ⲥ Ⲡⲭ̅ⲥ̅: ⲉⲑⲃⲉ ⲧⲉⲕⲙⲁⲩ Ⲙⲁⲣⲓⲁ: ⲛⲉⲙ Ⲓⲱⲁⲛⲛⲏⲥ ⲡⲉⲕⲥⲩⲅⲅⲉⲛⲏⲥ.
Ϣⲁϣϥ (ⲍ̅) ⲛ̀ⲧⲁⲅⲙⲁ ⲛⲓⲃⲉⲛ: ⲛ̀ⲧⲉ ϯⲉ̀ⲕⲕⲗⲏⲥⲓⲁ: ⲉⲩⲧⲁⲓⲟ ⲛ̀ⲥⲏⲟⲩ ⲛⲓⲃⲉⲛ: Ⲓⲱⲁⲛⲛⲏⲥ ⲫⲁ ϯⲥⲟⲫⲓⲁ.

ارحمنا، يا يسوع المسيح، من أجل أمك مريم، ويوحنا نسيبك.
كل السبع الطغمات، التى للكنيسة تكرم كل حين، يوحنا ذو الحكمة.

Ⲏⲡⲡⲉ ⲁϥⲧⲁⲙⲟⲛ ⲕⲁⲗⲱⲥ: Ⲓⲱⲁⲛⲛⲏⲥ ⲡⲓⲃⲁⲡⲧⲓⲥⲧⲏⲥ: ϫⲉ ⲁⲓϯⲱⲙⲥ ⲙ̀Ⲡⲟ̅ⲥ̅: ϧⲉⲛ ⲛⲓⲙⲱⲟ̀ⲩ ⲛ̀ⲧⲉ ⲡⲓⲓⲟⲣⲇⲁⲛⲏⲥ.
Ⲑⲉⲗⲏⲗ ⲱ̀ Ⲓⲱⲁⲛⲛⲏⲥ: ⲡ̀ϣⲏⲣⲓ ⲛ̀Ⲍⲁⲭⲁⲣⲓⲁⲥ: ⲟⲩⲟϩ ⲡⲓⲡ̀ⲣⲟⲇⲣⲟⲙⲟⲥ: ⲛ̀ⲧⲉ Ⲙⲁⲥⲓⲁⲥ.

ها قد أخبرنا جيداً، يوحنا الصابغ، أنه عمد الرب، فى مياه الأردن.
تهلل يا يوحنا، ابن زكريا، والسابق، لماسياس.

Ⲓⲱⲁⲛⲛⲏⲥ ⲁϥⲉⲣⲙⲉⲑⲣⲉ: ϫⲉ ⲁⲓⲛⲁⲩ ⲉ̀ⲡⲓⲠ̀ⲉⲛⲁⲩⲙⲁ ⲉ̅ⲑ̅ⲩ̅: ⲉ̀ⲧⲁϥⲓ̀ ⲉ̀ⲃⲟⲗϧⲉⲛ ⲧ̀ⲫⲉ: ⲱ̀ⲟ̀ⲩⲛⲓⲁⲧϥ ⲛ̀ⲑ̀ⲃⲁ ⲛ̀ⲕⲱⲃ.
Ⲕⲉ ⲡⲁⲗⲓⲛ ⲛⲉⲙ ⲧ̀ⲥ̀ⲙⲏ: ⲛ̀ⲧⲉ Ⲫϯ Ⲫ̀ⲓⲱⲧ: ϫⲉ ⲫⲁⲓ ⲡⲉ ⲠⲁϢⲏⲣⲓ: Ⲡⲁⲙⲉⲛⲣⲓⲧ ⲥⲱⲧⲉⲙ ⲛ̀ⲥⲱϥ.

شهد يوحنا قائلاً، رأيت الروح القدس، نزل من السماء طوباه ربوات أضعاف.
وأيضاً صوت، الله الآب، قائلاً هذا هو ابنى، حبيبى فاسمعو له.

Ⲗⲉⲗⲓ ⲱ̀ ⲛⲓⲗⲁⲟⲥ: ⲛ̀ⲛⲓⲭ̀ⲣⲓⲥⲧⲓⲁⲛⲟⲥ: ϧⲉⲛ ⲡ̀ϣⲁⲓ ⲙ̀ⲡⲓⲙⲁⲣⲧⲩⲣⲟⲥ: Ⲓⲱⲁⲛⲛⲏⲥ ⲡⲓⲡ̀ⲣⲟⲇⲣⲟⲙⲟⲥ.
Ⲙⲟⲓ ⲛⲁⲛ ⲛ̀ⲧⲉⲕϩⲓⲣⲏⲛⲏ: ⲱ̀ⲡⲓⲙⲟⲛⲟⲅⲉⲛⲏⲥ: ⲙⲁⲧⲁⲗϭⲟ ⲛ̀ⲛⲉⲛϣⲱⲛⲓ: ⲉⲑⲃⲉ ⲫⲏⲉ̅ⲑ̅ⲩ̅ Ⲓⲱⲁⲛⲛⲏⲥ.

هللوا أيها الشعوب، المسيحيين، فى عيد الشهيد، يوحنا السابق.
أعطنا سلامك يا وحيد الجنس، واشف أمراضنا، من أجل القديس يوحنا.

Ⲛⲁⲓ ⲛⲁⲛ ⲥⲱⲧⲉⲙ ⲉ̀ⲣⲟⲛ: ⲟⲩⲟϩ ⲱ̀ⲗⲓ ⲙ̀ⲡⲉⲕϫⲱⲛⲧ: ⲱ̀Ⲡⲭ̅ⲥ̅ ⲉ̀ⲃⲟⲗϩⲁⲣⲟⲛ: ⲉⲑⲃⲉ Ⲓⲱⲁⲛⲛⲏⲥ ⲫⲏⲉ̀ⲧⲥ̀ⲙⲁⲣⲱⲟⲩⲧ.
Ⲝⲙⲁⲣⲱⲟ̀ⲩⲧ ⲱ̀Ⲡⲭ̅ⲥ̅: ⲛⲉⲙ ⲡⲉⲕⲓⲱⲧ ⲛ̀ⲁⲅⲁⲑⲟⲥ: ⲛⲉⲙ ⲡⲓⲠ̀ⲛⲉⲩⲙⲁ ⲙ̀Ⲡⲁⲣⲁⲕⲗⲓⲧⲟⲥ: ⲛ̀ⲟⲙⲟⲟⲩⲥⲓⲟⲥ.

اسمعنا وارحمنا، وارفع غضبك عنا، أيها المسيح، من أجل يوحنا المبارك.
تباركت أيها المسيح، مع أبيك الصالح، والروح المعزي، المساوي.

Ⲟⲩⲛⲓϣϯ ⲡⲉ ⲡⲉⲕⲣⲁⲛ: ϧⲉⲛ ⲑ̀ⲙⲏϯ ⲛ̀ⲛⲓⲁ̀ⲅⲅⲉⲗⲟⲥ: ⲙⲁϯϩⲟ ⲉ̀Ⲡⲭ̅ⲥ̅ ⲉ̀ⲛⲁⲓ ⲛⲁⲛ: ⲱ̀ ⲫⲏⲉ̅ⲑ̅ⲩ̅ Ⲓⲱⲁⲛⲛⲏⲥ.
ⲠⲉⲛⲚⲟⲩϯ ϫⲱⲣ ⲉ̀ⲃⲟⲗ: ⲛ̀ⲛⲓϫⲁϫⲓ ⲛ̀ⲧⲉ ϯⲉ̀ⲕⲕⲗⲏⲥⲓⲁ: ⲟⲩⲟϩ ϧⲉⲙϧⲟⲙⲟⲩ ⲉ̀ⲃⲟⲗ: ϣⲁ ϯⲥⲩⲛⲧⲉⲗⲓⲁ.

عظيم هو أسمك، في وسط الملائكة، اسأل المسيح أن يرحمنا، أيها القديس يوحنا.
يا إلهنا بدد، أعداء الكنيسة، وأسحقهم، إلي الانقضاء.

Ⲣⲱⲓⲥ ⲉ̀ⲣⲟⲛ ⲱ̀Ⲡⲭ̅ⲥ̅: ⲉ̀ⲃⲟⲗϧⲉⲛ ⲛⲓⲣⲱⲙⲓ ⲉⲩϩⲱⲟ̀ⲩ: ⲛⲓⲭ̀ⲣⲟϥ ⲛⲉⲙ ⲛⲓⲡⲁⲑⲟⲥ: ⲉⲑⲃⲉ Ⲙⲁⲣⲓⲁ ϯⲟⲩⲣⲱ.
Ⲥ̀ⲙⲟⲩ ⲉ̀ⲛⲓⲓⲁⲣⲱⲟ̀ⲩ: ⲛⲉⲙ ⲛⲓⲥⲓϯ ⲛⲉⲙ ⲛⲓⲕⲁⲣⲡⲟⲥ: ⲉⲑⲃⲉ ⲛⲓϯϩⲟ: ⲛ̀ⲧⲉ Ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ.

احرسنا أيها المسيح، من الناس الآشرار، الغاشين ومن الآلام، من أجل مريم الملكة.
بارك الأنهار، والزروع والثمار، من أجل طلبات، يوحنا المعَّمِد.

Ⲧⲉⲛϯϩⲟ ⲉⲑⲃⲉ ⲛⲓⲟ̀ⲩⲏⲃ: ⲛⲉⲙ ⲛⲓⲇⲓⲁⲕⲟⲛⲟⲥ: ⲁ̀ⲣⲉϩ ⲉ̀ⲣⲱⲟ̀ⲩ ⲡⲉⲛⲚⲏⲃ: ⲛⲉⲙ ⲡ̀ⲥⲉⲡⲓ ̀̀ⲛ̀ⲛⲓⲡⲓⲥⲧⲟⲥ.
Ⲩⲓⲟⲥ Ⲑⲉⲟⲥ ⲛⲁϩⲙⲉⲛ: ⲉ̀ⲃⲟⲗϧⲉⲛ ⲛⲓⲑ̀ⲗⲩⲯⲓⲥ: ⲟⲩⲟϩ ϧⲉⲛ ⲡⲉⲕⲣⲁⲛ ⲙⲁⲧⲁϫⲣⲟⲛ: ⲉⲑⲃⲉ ⲫⲏⲉ̅ⲑ̅ⲩ̅ Ⲓⲱⲁⲛⲛⲏⲥ.

نسأل من أجل الكهنة، والشمامسة، احفظهم يا سيدنا، مع بقية المؤمنين.
يا ابن الله نجنا، من الشدائد، وباسمك ثبتنا، من أجل القديس يوحنا.

Ⲫϯ ϭⲓⲥⲓ ⲙ̀ⲡ̀ⲧⲁⲡ: ⲛ̀ⲛⲓⲭⲣⲓⲥⲧⲓⲁⲛⲟⲥ: ⲉⲑⲃⲉ ⲧⲉⲛⲟ̅ⲥ̅ ⲛ̀ⲛⲏⲃ: Ⲙⲁⲣⲓⲁ ϯⲠⲁⲣⲑⲉⲛⲟⲥ.
Ⲭⲉⲣⲉ ϯⲑⲉⲟⲧⲟⲕⲟⲥ: ⲑ̀ⲙⲁⲩ ⲛ̀Ⲓⲏ̅ⲥ Ⲡⲭ̅ⲥ̅: ⲭⲉⲣⲉ ⲡⲓⲡ̀ⲣⲟⲇⲣⲟⲙⲟⲥ: Ⲓⲱⲁⲛⲛⲏⲥ ⲡⲓⲣⲉϥϯⲱⲙⲥ.

ارفع يا رب قرن، المسيحيين، من أجل سيدتنا وملكتنا، مريم العذراء.
السلام لوالدة الإله، أم يسوع المسيح، السلام للسابق، يوحنا المعَّمِد.

Ⲯⲩⲭⲏ ⲛ̀ⲛⲉⲛⲓⲟϯ: ⲙⲟⲓ ⲛⲱⲟ̀ⲩ ⲛ̀ⲟⲩⲭ̀ⲃⲟⲃ: ϧⲉⲛ ⲕⲉⲛϥ ⲛ̀ⲛⲉⲛⲓⲟϯ: Ⲁⲃⲣⲁⲁⲙ Ⲓⲥⲁⲁⲕ Ⲓⲁⲕⲱⲃ.
Ⲱ̀ ⲡⲉⲛⲤⲱⲧⲏⲣ ⲁ̀ⲣⲓⲫ̀ⲙⲉⲩⲓ: ⲙ̀ⲡⲉⲕⲃⲱⲕ Ⲛⲓⲕⲟⲩⲇⲓⲙⲟⲥ: ⲭⲱ ⲛⲁϥ ⲛ̀ⲛⲉϥⲛⲟⲃⲓ: ⲛⲉⲙ ⲡ̀ⲥⲉⲡⲓ ⲛ̀ⲛⲓⲭⲣⲓⲥⲧⲓⲁⲛⲟⲥ.

أنفس آبائنا، أعطها برداً، فى أحضان آبائنا، إبراهيم واسحق ويعقوب.
يا مخلصنا اذكر، عبدك نيقوديموس، واغفر له خطاياه، مع سائر المسيحيين.